ტრენინგის მეცხრე დღის რეფლექსია

          დღეს ტრენინგის ბოლო დღეა, მუშაობა თითქმის დავამთავრეთ. მხოლოდ რამდენიმე წვრილმანი გვქონდა მოსაწესრიგებელი. ტრენერმა შეამოწმა ჩვენი ნამუშევრები, მოგვცა შესაბამისი მითითებები.

         ტრენინგი ყველასთვის საინტერესო იყო. ბატონმა გიორგიმ გასაგებად გაგვაცნო პროექტებით სწავლების უპირატესობები. ის დიდი პასუხისმგებლობით ასრულებდა დაკისრებულ მოვალეობას. ტრენინგის განმავლობაში შევისწავლეთ, თუ როგორ შექმნათ ტექნოლოგიებით გამდიდრებული სასწავლო პროექტები, როგორ განვსაზღვროთ მათი მომზადებისთვის საჭირო სავარაუდო დრო და დავგეგმოთ აქტივობები, რათა სასწავლო პროცესი უფრო ეფექტური და საინტერესო გავხადოთ მოსწავლეთათვის.

        ჩემს პრაქტიკაში აქტიურად გამოვიყენებ ტრენინგზე შეძენილ ცოდნას.

ტრენინგის მერვე დღის რეფლექსია

დავასრულეთ პროექტზე მუშაობა, მოვაწესრიგეთ პორტფოლიო, ასევე ბლოგი, გავეცანით დროის მენეჯმენტის შაბლონს და მოვარგეთ ის ჩვენს პროექტს. დღემ ამჯერადაც საინტერესოდ ჩაიარა.

ტრენინგის მეშვიდე დღე (რეფლექსია)

ტრენერმა განიხილა საკითხი

• კითხვის დასმის სტრატეგიები მაღალი დონის სააზროვნო უნარების ხელშესაწყობად;

      შემდეგ ვიმუშავეთ პროექტის დამხმარე მასალების შექმნაზე; მოვახდინეთ პროექტის გეგმის კორექტირება; დავსახეთ პროექტის განხორციელების სტრატეგიები; გავაგრძელეთ მუშაობა პროექტისთვის დამხმარე მასალების მოძიებაზე; შევქმენი ბლოგი მოსწავლის ნიმუში. პროექტზე მუშაობა თითქმის დავამთავრეთ.

    ტრენერი გასაგებად გვაწვდიდა საჭირო და ჩვენთვის საინტერესო ინფორმაციას. საჭიროების შემთხვევაში გვიწევდა ტექნიკურ დახმარებას.

ტრენინგის მეექვსე დღე (რეფლექსია)

ტრენერი გვესაუბრა შემდეგ საკითხებზე:

• დიფერენცირებული სწავლების სტრატეგიები;
• მოსწავლეთა დამოუკიდებელი მუშაობის ხელშემწყობი შეფასების ფორმების შექმნა.

შემდეგ შევქმენით პროექტის ფარგლებში მოსწავლეთათვის დამატებითი დამხმარე მასალები; მოვახდინეთ პროექტის გეგმის შეცვლა სხვადასხვა სტილის/დონის მოსწავლეთა საჭიროებების გათვალისწინებით; ბოლოს კი გავაკეთეთ თვითშეფასება, თუ რამდენად წარმატებით შევქმენით მოსწავლეზე ორიენტირებული საკლასო გარემო;

ტრენინგის მეხუთე დღე (რეფლექსია)

ტრენინგზე განვიხილეთ საკითხები:

• უკუკავშირის მიღება მოსწავლის ნიმუშზე
• შეფასების პროცესში მოსწავლეების ჩართვასთან დაკავშირებული პოტენციური სირთულეებისა და მათი დაძლევის გზების მოძიება
• ჩვენს მიერ გამოყენებული შეფასების ფორმების ანალიზი და შეფასება/თვითშეფასება
• შემაჯამებელი შეფასების პირველადი ვარიანტის შედგენა

შევადგინეთ ჩვენი  მოსწავლეებისთვის შესაბამისი შეფასების ფორმები; გადავხედეთ მოსწავლეთათვის შექმნილ პროექტის ნიმუშს  და  შევიტანეთ შესაბამისი ცვლილებები.

ტრენინგის მეოთხე დღის რეფლექსია

გავაგრძელეთ პროექტის გეგმაზე მუშაობა.
გავეცანით შეფასების შემდეგ სტრატეგიებს:

• მოსწავლეთა წინარე ცოდნისა და საჭიროებების შეფასების სტრატეგიები;
• წახალისების, თვითრეგულირებადი სწავლისა და თანამშრომლობის უნარის შესაფასებელი სტრატეგიები;
• პროგრესის მონიტორინგის სტრატეგიები;
• სტრატეგიები გაგების შემოწმებისა და მეტაშემეცნების წახალისებისათვის;
• გაგებისა და უნარების დემონსტრირების სტრატეგიები.

შემდეგ შევავსეთ შეფასების დროის ჩარჩო პროექტის გეგმაში და გავაკეთეთ შეფასების ინსტრუმენტების მოკლე მონახაზი.

ბატონი გიორგი გვესაუბრა შეფასების პროცესში მოსწავლეების ჩართვასთან დაკავშირებული პოტენციური სირთულეებისა და მათი დაძლევის გზების მოძიებაზე.

აღნიშნა, რომ შეფასების ფორმების შედგენის შემდეგ, საჭიროა მოსწავლეთათვის შექმნილი პროექტის ნიმუშის გადახედვა და შესაბამისი ცვლილებების შეტანა.

ტრენინგის მესამე დღის რეფლექსია

გავეცანით ინტერნეტრესურსებს, რომლებიც დაგვჭირდებოდა პროექტზე მუშაობის პროცესში, ონლაინთანამშრომლობით ვებსაიტებს  პროექტის იდეების გაზიარებისთვის. 

გავეცანით პროექტის გეგმას, შევარჩიეთ პროექტის თემატიკა, ასევე შინაარსობრივი სტანდარტები და ინდიკატორები ესგ-დან. დავსახეთ პროექტის სასწავლო მიზნები და სავარაუდო შედეგები, ჩამოვაყალიბეთ როგორც ზოგადი, ასევე თემატური და შინაარსობრივი შეკითხვები.

დღემ ამჯერადაც საინტერესოდ ჩაიარა.